Hazırlanma: 20 dəqiqə
Bişirmə: 50 dəqiqə
Ərzaqlar
1 kq çəkilmiş ət (qoyun ya da mal əti)
3 ədəd baş soğan
2 -3 x.q ərinmiş kərə yağı
8-9 ədəd pamidor
8-9 ədəd bibər
8-9 ədəd badımcan
1 balaca dəstə keşniş, şüyüd və reyhan
2 x.q kərə yağı
Duz, İstiot
Hazırlanması
Əvvəlcə qiyməni hazırlayırıq. Soğanı sürtgəcdən keçirdirik. (Əgər əti özünüz ət maşınından keçirirsinizsə soğanı da ət ilə birgə çəkə bilərsiniz)Ətə soğanı əlavə edib, yağ töküb bişməyə qoyuruq. Hazır qiyməyə göyərtiləri xırda doğrayıb tökürük.
Badımcanı qaynar suda pörtürük. Sonra icini təmizləyib yuyuruq.
Bibərin və pomidorun başını kəsib içini çıxardırıq.
Hamısının içini təmizlədikdən sonra hər birinin içinə az duz və istiot vururuq.
Qiyməni hamısının içinə qoyub qazana yığırıq. 1/4 st su və yağ əlavə edib, vam odda yağa düşənə qədər bişiririk.
0 comments:
Post a Comment