Mərcimək şorbası

Ərzaqlar

1 st qırmızı mərcimək
1 ədəd baş soğan
1 ədəd kök
1 ədəd kartof (kiçik)
1 x.q pomidor məti(tomat)
1 x.q quru nanə
4 x.q zeytun yağı
6 st su (2 st ət suyu və 4 st adi su götürə bilərsiniz)
Duz
Istiot
1 ədəd limon

Hazırlanması

Bütün tərəvəzləri və mərciməyi təmizləyib yuyun. Soğanı,kartofu və kökü xırda doğrayın. Soğanı, kartofu, kökü və mərciməyi qazana tökün. Üstünə suyu töküb yeməyi ocağa qoyun. (Ət suyu ilə olduqda şorba daha dadlı olur) Qaynadıqda kəfini yığın. Tərəvəzlər yaxşıca bişdikdə yeməyi ocaqdan götürüb blenderdən keçirin.

Zeytun yağını tavaya töküb qızdırın. Sonra pomidor mətini töküb qovurun. 3-5 dəqiqə sonra nanə qurusunu da əlavə edib 2-3 dəqiqə qovurub götürün. Qovurduğunuz nanəli pomidor mətini yeməyə əlavə edib, zövqə görə duz və istiotunu da töküb 10-15 dəqiqə bişirin. Şorbanı süfrəyə verdikdə yanında limon verə bilərsiniz.

Nuş olsun!